الله أكبر كيف يجرحـن العيـون
كيف مايبرى صويب العين أبـد
أحسب إن الرَّمش لا سلهم حنون
وأثر رمش العين ماياوي لأحـد
يوم روَّح لي نظـر عينـه بهـون
فزِّ لـه قلبـي وصفَّـق وأرتعـد
لفَّني مثل السَّحايـب والمـزون
في عيوني بـرق وبقلبـي رعـد
نقَّض جروحي وجدَّد بي طعـون
قلت يكفي قالت عيونـه بعـد
وإنعطف هاك الشَّعر فوق المتـون
وإنثنى عـوده وقفَّـى وإبتعـد
شاغلتني نظـرة العيـن الفتـون
حيَّرتنـي بالتوعِّـد والـوعـد
هي تمـون العيـن وإلاَّ ماتمـون
ليه خذت قلبي و قفَّت يا سعـد