شيلة محطات العمر
ليه الزمن يفرض علينا محطات
وليه العمر يقضي ولا احنا قضينا
وش جابك بدربي تسوق الملذات
وأنا حياتي قبـل اعرفك رهينا
يامسعدٍ عمري ترى وقتنا فات
ماعــاد نلحق لو بسـرعه جرينا
هون على جرحك حبيبي سلامات
ما تنفع الهقـوه مهـي فـي يدينا
سميتك الغالي من الذات للذات
مـادام قلبك بالهـوى مشـترينا
يالله عسـى دربك طريق سهالات
ويجزيـك ربـي منـه علمـاً ودينا
دربك صعب واللي مشى فيه مابات
مـانلتقـي لو الزمـن بـه جـرينا
انا اعرفك عرف من ذاتٍ لذات
اعرف شعورك والهوى مو بدينا
باقي علينا نجمع شتات وشتات
واللـي يبيـنا لازم انـه يجـين