كلمات يالقصيد اللي تبي توصف قصيد؟

Question

تعد يالقصيد الي تبي من أهم الكلمات الغنائية المعروفة التي اشتهرت كبير في الوطن العربي وذلك لجمالية كلمات الأغنية وقوتها اللغوية في الصياغة والكتابة حيث أنها نالت شهرة كبيرة في الخليج بسبب الطريقة التي قدمت بها هذه القصيدة و خصوصا على صوت المغني الكبير محمد عبده المعروف والذي يملك شعبية جارفة في البلاد العربية .

كلمات يالقصيد اللي تبي توصف قصيد

Answer 1

يالقصيد الّي تبي توصف قصيد

آآه يـا حَـيّ الـمـعـاني والـورق

مدري فيها ياقصيدي وش تزيد؟!

غير سبحان الّي خالقـها وْ فـَـرَق

بنتٍ أجمل من سناالصبح الجديد

ومن رذاذ الغيم إهي أنـعـَم و ارَقّ

الخيال عـْيونها وْ ضحكـتـها عـيـد

والّي قال إتـسَكـِّت القمرة..صِدَق

من لِـفَت وقـْلوبنا تِـقرى و تـعـيد

حُـوْلـَهـا الأذكـار وآيـات الـفـَلَـق

الّي ملـقـاها إلى جَـت من بـعيد

كِـنّ حظ الدنيا في وجهِك شَرَق

قالو فيها روعـة الـزيـن الفـريـد

وآنا اقول الزين لو يَـنطِق..نِـطَق

كنّها خِـلْـقَت على مْـّا هي تريد

ألف سبحان الّي أبدعها وْ خَلَق

قَدرَها وْمن يومها عالي الرصيد

من تـِوَعّى قلبها الدنيا وْ خفـَق

جَت وكنها فرحة العمر السعيد

تِكبر وْ يكبر غلاها .. والله حق..

لي مثِـلـْها و بـْغلاها شي أكيـد

ما هو بس ينحب إلاّ ينـعِـشِـق

يعني هذي البنت بالوَصف المفيد

الله خالـِقـهـا و الله الـِّي فَـَرَق

مدري فِطـرة ولاّ مع دمّ الوَريد

ذوقها الّي فاح من لـيـْنـه عَبَـق

إن حـكَـت ودّك سوالفها تـزيد

بنتٍ أعذب وأهدى من لون الشِفَق

في ثـنـاها ما يـزود إلاّ القصيـد

يعني يا حظ الـمدايـح والـوَرَق

كِلّ هذا الوَصف وما جبت الجديد

وْتبقى موزه أحلى من كل ماسِبَق