كلمات اغنية طواقي الخوف مكتوبة، من الجدير بالذكر ان الشاعر السوداني محمد طه القدال يعد من اشهر الشعراء المميزين والبارعين في الوطن العربي، كونه قدم العديد من الاعمال الفنية المتنوعة في كافة المجالات والتي حظيت باعجاب الجميع.
هناك العديد من الامور التي اثارت الدهشة في نفوس القارئين والمحبين للشعر العربي، في كافة الدول العربية، كما وان الكلمات التي يقدمها الشعراء غالباً ما تكون معبرة عن الحالة النفسية لهم، وهنا سنقدم كلمات اغنية طواقي الخوف مكتوبة.
كلمات اغنية طواقي الخوف مكتوبة
اغنية طواقي للفنان عقد الجلاد، والتي تم اصدارها في عام 2019 ولاقت هذه الاغنية انتشار واسع على المواقع الالكترونية، حيث حصلت الاغنية على نسبة مشاهدة عالية بسبب جمال كلماتها ومحتواها الرائع المعبر.
كلمات اغنية طواقي الخوف مكتوبة
ﻣﺎ ﺧﺎﻳﻒ ﺍﻟﻤﻄﺮ
ﻳﺘﺤﺎﺷﻰ ﺍﻟﻀﻬﺎﺭﻯ
ﺍﻟﺮﺍﺟﻴﺔ ﻗﻮﻟﺔ ﺧﻴﺮﺍ
ﻭﻻ ﺧﺎﻳﻒ ﺍﻟﻤﻄﺮ
ﻳﻤﺸﻰ ﻋﻠﻰ ﺍﻟﺼﺤﺎﺭﻯ
ﺗﻠﻤﻮﺍ ﻓﻰ ﺑﺸﻜﻴﺮﺍ
ﻭﻻ ﺧﺎﻳﻒ ﺍﻟﻌﺸﻢ
ﻳﺘﻨﺎﺳﻰ ﺍﻟﻌﺸﺎﻣﻰ
ﻭﻧﻴﻤﺎ ﻳﺎﻛﻞ ﻧﻴﺮﺍ
ﻭﻻ ﺧﺎﻳﻒ ﺍﻟﻨﻔﺲ
ﺗﺘﺬﻛﺮ ﻧﻔﺴﻬﺎ
ﻭﺗﻨﺴﻰ ﻳﻮﻡ ﺣِﺪّﻳﺮﺍ
ﺧﻮﻓﻰ ﻋﻠﻰ ﺍﻟﺒﻠﺪ ﺍﻟﻄﻴﺐ
ﺟﻨﺎﻫﺎ ﻭﻗﻤﻨﺎ ﻓﻰ ﺧُﺪﻳﺮﺍ
ﺷﺎﺣﺪﻙ ﻳﺎ ﻛﺮﻳﻢ
ﻻ ﺗﺤﺼﻞ ﺧﺮﺍﺏ ﻻ ﺃﺭﺟﻰ ﻳﻮﻡ ﻭﺩّﻳﺮﺍ
****
ﻭﺍﻧﺎ ﻣﺎ ﺑﺠﻴﺐ ﺳﻴﺮﺓ ﺍﻟﺠﻨﻮﺏ
ﻋﻴﺎﻝ ﺑﺘﺴﺮﺡ ﻟﻠﻤﺪﺍﺭﺱ
ﻭﺍﻟﻔﻄﻮﺭ ﻧﺠﻤﺎً ﺑﻌﻴﺪ
ﺑﻨﻮﺕ ﺑﺘﺠﺮﻯ ﻋﻠﻰ ﺍﻟﺨﻄﺎﻃﻴﺐ ﺍﻟﺨﻄﺎﻃﻴﻒ ﺍﻟﺒﺘﺠﺮﺡ ..
ﻭﺍﻟﻌﺮﻳﺲ ﻧﺠﻤﺎً ﺑﻌﻴﺪ
ﺍﻟﺪﻛﺎﻛﻴﻦ ﺍﻟﺘﻤﻼ ﺗﻔﻀﻰ ، ﺍﻟﺴﻤﺎﺳﺮﺓ ﻳﺴﻤﺴﺮﻭﺍ ، ﻭﺍﻟﺒﺴﻔﻮ ﺍﻟﻄﻴﻦ ..
ﻳﺴﻔﻮ ، ﻭﺍﻟﺒﺤﺘّﻮﺍ ﺍﻟﺮﺍﺏ .. ﻳﺤﺘّﻮ ، ﻭﺍﻟﺒﻨﺎﻃﻠﻴﻦ ﻟﻴﻬﺎ ﺳﺴﺘﻢ ، ﻭﺍﻟﻘﻮﺍﻧﻴﻦ ﻟﻴﻬﺎ ﺳﺴﺘﻢ ، ﺍﻟﺒﻨﻮﻙ ﺍﻟﻔﻴﻬﺎ ﺑﺴﺘﻢ ، ﻣﻦ ﺳﻮﻳﺴﺮﺍ ﻭﻟﻰ ﻣﺎﻟﻴﺰﻳﺎ ﺑﺎﻟﺴﻔﺎﺭﺍﺕ ﻭﺍﻟﻌﻤﺎﺭﺍﺕ ﻭﺍﻟﺨﺒﺎﺭﺍﺕ
ﺃﻧﺎ ﻛﻨﺖ ﻣﺘﻐﻄﻰ .. ﻭﻣﺘﺪﻓﻰ ، ﺍﻟﻌﻤﺔ ﻣﻠﻮﻳﺔ ، ﻭﺍﻟﺸﺎﻝ ﻋﻠﻰ ﻛﺘﻔﻰ .
ﺳﻮﺩﺍﻥ ﻭﻛﺎﻥ ﻣﺎ ﻛﺎﻥ
ﺳﻮﺩﺍﻥ ﻋﻠﻰ ﻛﻴﻔﻚ
ﺍﻟﺴﻜﺔ ﺳﺎﻋﺔ ﺇﻳﺪ
ﻭﺍﻷﺭﺽ ﻣﺮﻭﻳﺔ
ﻭﺍﻟﻨﺎﺱ ﺣُﻨﺎﻥ ﻭﻇُﺮﺍﻑ
ﻭﺍﻟﺮﺍﻳﺢ ﻳﺠﻴﻚ .. ﻟﻠﺤﻮﻝ .
ﻭﺍﻟﺨﺪﻣﺔ ﻣﻈﺒﻮﻃﺔ
ﻣﻈﺒﻮﻃﺔ ﻣﺪﻧﻴﺔ
ﻭﺍﻟﺪُّﻧﻴﺎ ﺣﺮﻳﺔ
ﺍﻟﻤﺎﺷﻰ ﺩﺭﺏ ﺍﻟﻜﺎﺭ ﻳﻐﻮﺭ
ﻭﺍﻟﺘﺎﺏ ﻣﻦ ﺍﻟﺘﻤﺒﺎﻙ ﻳﺘﻮﺏ !..
ﺍﻧﺎ ﻣﺎﺑﺠﻴﺐ ﺳﻴﺮﺓ ﺍﻟﺠﻨﻮﺏ ،
ﺍﻟﻐﺒّﻮ ﻋﺮﻓﻮﻫﻮ
ﻭﺍﻟﻌﺮﻓﻮ ﺳﻮّﻭﻫﻮ
ﻭﺍﻟﺴﻮﻭ ﺑﻠﻘﻮﻫﻮ ..
**********
ﺃﺻﺒﺤﺖ ﺯﻯ ﺍﻟﺰﻭﻝ
ﻗﺎﺩﺭ ﺑﻮﺳﻂ ﺍﻟﺴﻮﻕ .....
ﻟﻮ ﺍﻟﻌِﺮﻕ ﻣﺴﺮﻭﻕ
ﺃﻭ ﻗﻠﺒﻰ ﻧﺸﻠﻮﻫﻮ
ﻃﻌﻢ ﺍﻟﻜﻀﺐ ﻣﺴﻠﻮﻕ
ﻣﺎﺳﺦ ﺗﻀﻮﻗﻮﻫﻮ
ﻟﻮ ﻓﻤﻰ ﻣﺎ ﻣﻄﻠﻮﻕ
ﺃﻭ ﻛﻤﻰ ﻏﺴﻠﻮﻫﻮ
ﻳﺎﻧﻰ ﺍﻟﺒﺴﻮﻯ ﺍﻟﻘﻮﻕ
ﻗﻮﻟﻰ ﺍﻟﺒﺘﺎﺑﻮﻫﻮ
ﻣﺎ ﻋﻨﺪﻛﻢ ﺩﻣﻰ
ﻣﺎ ﻋﻨﺪﻫﻢ ﺩﻣﻰ
ﻣﻦ ﺩﻣﻰ ﻻ ﻻ ﻻ
ﻣﺎ ﻗﺪﺭﻭﺍ ﻓﺼﻠﻮﻫﻮ .
ﻭﺃﻧﺎ ﻣﺎ ﺑﺠﻴﺐ ﺳﻴﺮﺓ ﺍﻟﺠﻨﻮﺏ
ﻗﻮﻝ ﺍﺳﺘﻘﻞ ..
ﺍﻧﺎ ﻓﻰ ﺻﻔﻮﻑ ﺍﻟﺰﻭﻕ
ﻭﺍﻗﻒ ﻣﻊ ﺍﻟﻮﺍﻗﻔﻴﻦ ﻣﺰﻧﻮﻕ
ﺑﻬﻨِّﻴﻬﻮ
ﻭﻳﻬﻨﻮﻫﻮ
ﺃﻭ ﺍﺳﺘﻘﺎﻝ ..
ﻭﺩﺍ ﺃﻭﻝ ﺍﻷﺣﺰﺍﻥ
ﺃﻭ ﻗﺎﻟﻮﺍ ﺑﺎﻋﻮﻫﻮ
ﻭﺩﺍ ﻳﺎﻫﻮ ﻗﻄِّﻴﻊ ﺍﻟﻘﻠﻮﺏ
ﺍﻧﺎ ﻣﺎ ﺑﺠﻴﺐ ﺳﻴﺮﺓ ﺍﻟﺠﻨﻮﺏ
ﻓﺎﻟﺴﻴﺮﺓ ﻛﻤﻴﻦ ﺃﻟﻒ ﻋﺎﻡ
ﻟﻮﻧﻰ ﺍﻟﻤﺤﺮﻕ ﻣﻨﺪﻛﻮﺭ
ﻭﺷﻜﻠﻰ ﺷﻜﻠﻴﻦ
ﺷﻜﻞ ﻣﻨﻘﺔ
ﻭﺷﻜﻞ ﺗﻮﺭ
ﺩﻣﻰ ﺍﻟﻤﺸﺘﺖ ﻣﻦ ﻗﺒﺎﻳﻞ ﻧﻮﺡ ﻭﺣﺎﻡ
ﺷﻌﺮﻯ ﺍﻟﻤﻘﺮﻗﺪ ﺯﻯ ﺣﺼﺎﻳﺎ
ﺍﺗﺸﺘﺖ ﻓﻮﻕ ﺍﻟﺪﺭﻭﺏ
ﻛﺘﻔﻰ ﺍﻟﻤﻬﺪﻝ ﺑﺎﻟﻌﻴﻮﺏ
ﻭﺃﻧﺎ ﻣﺎ ﺑﺠﻴﺐ ﺳﻴﺮﺓ ﺍﻟﺠﻨﻮﺏ
ﺃﺻﻞ ﺍﻟﺒﻘﺖ
ﻣﻦ ﺳﺎﺱ ﻭﺳﺎﻳﺲ ﻭﻳﺴﻮﺱ
ﻳﺎﻫﺎ ﺍﻟﺒﻘﺖ
ﺧﻠﻮﻧﺎ ﻣﻦ ﺣﺮﺏ ﺍﻟﺒﺴﻮﺱ
ﺍﻟﻔﺎﺿﻠﺔ
ﺗﻜﻔﻴﺮ ﺍﻟﺬﻧﻮﺏ
ﺍﻟﻔﺎﺿﻠﺔ ﻟﻤﻠﻴﻢ ﺍﻟﺒﺸﺎﺗﻦ ﻭﺍﻟﻤﻌﺎﻃﻦ ﻭﺍﻟﺨﺒﻮﺏ
ﺍﻟﺒﺎﻗﻰ
ﻣﺎ ﻳﺨﻤﻮﻛﺎ ﺗﺎﻧﻰ ﻋﻠﻰ
ﺍﻟﺪﻓﺎﻓﻴﺮ ﻭﺍﻟﻜﻨﺎﺗﺮ ﻭﺍﻟﺤﺮﻭﺏ